Filmi me Luana Bajramin nominohet për Oscar

Shpallja e të nominuarve për “Academy Awards”, trofeun më të madh në kinematografi, ka bërë bujë në botën e filmit. Në mesin e filmave të shkurtër që futen në garë për statujën e famshme është edhe produksioni ku luan aktorja me prejardhje nga Kosova, Luana Bajrami.

Filmi i shkurtër “Two People Exchanging Saliva” (titull origjinal: “Deux personnes échangeant de la salive”) është bashkëprodhim ndërmjet Francës dhe Shteteve të Bashkuara të Amerikës, dhe Bajrami interpreton rolin e Malaises, një shitëse naive dhe intriguese brenda një dyqani luksoz parizien.

Produksioni është treguar i veçantë për estetikën e tij, ndarjen në kapituj dhe për mënyrën eksperimentale të tregimit, duke kombinuar humor të hollë me një kritikë sociale. Filmi është futur në mesin e pesë filmave të shkurtër të nominuar për Oscar, duke shënuar një hap të rëndësishëm në karrierën e Bajramit./KultPlus.com