Edhe 32 milionë dollarë të SHBA-së për Kosovën, granti arrin në mbi 73 milionë

31/03/2022

Presidentja e Kosovës, Vjosa Osmani, ka njoftuar se të enjten ka nënshkruar amendamentin e katërt të Marrëveshjes së Grantit për Objektivat Zhvillimore me Shtetet e Bashkuara të Amerikës, që parasheh fitimin shtesë prej rreth 32 milionë dollarëve për Kosovën.

Me këtë grant, totali ka arritur vlerën e 73.4 milionë dollarëve, ka njoftuar Osmani.

“Mbështetja e vazhdueshme e Shteteve të Bashkuara në Kosovë është dëshmi e përkushtimit të qeverisë dhe popullit amerikan për të përforcuar mirëqenien e qytetarëve të Republikës së Kosovës përmes institucioneve efektive dhe llogaridhënëse. Kosova është e bekuar me aleatët e saj!” ka shkruar ajo në Facebook.

Marrëveshja e Grantit për Objektivat Zhvillimore qe nisur në nëntor të 2020-s. Atë kohë, Kosova përfitoi 33 milionë dollarë, ndërsa më vonë u nënshkruan amendamentet tjera që e ngritën vlerën.

Written by: ClubFm Kosova

Rate it