Ilire Vinca vlerësohet me çmimin aktorja më e mirë në Çmimet Vjetore për Teatër

Ministria për Kulturë, Rini dhe Sporte ka ndarë çmimet vjetore në Ditën Botërore të Teatrit, çmime këto që kanë shkuar në disa kategori, shkruan KultPlus.

Çmimi vjetor për aktoren më të mirë këtë vit i është ndarë aktores së njohur Ilire Vinca, e cila është vlerësuar për rolin e saj në shfaqjen “Babai dhe babi”.

Pjesë e jurisë profesionale në këtë edicion ishin Luan Jaha, Agan Myftari, Drita Begolli, Kumrije Hoxha dhe Alban Beqiraj.

Ilire Vinca është e njohur për shumë role në teatër dhe film, e cila si në skenën teatrale por edhe në rolet e saj në film ka arrit që të ketë sukses brenda dhe jashtë Kosovës./ KultPlus.com