Zelensky në rrezik, informatorja ruse po përgatiste sulmin ajror

Jeta e presidentit të Ukrainës Zelensky duket se ka qenë në rrezik nga një grua, e cila po përgatiste një sulm ajror, sipas raportimeve të Shërbimeve Sekrete Ukrainase.

Ato bëjnë me dije se arrestuan një informatore ruse, e cila po përgatiste një sulm ajror në rajonin e Mykolaiv gjatë vizitës së Presidentit të Ukrainës.

Megjithatë, agjentët e SBU kishin marrë informacion në lidhje me aktivitetet e të dyshuares dhe kishin marrë masa shtesë sigurie.

Sipas hetimeve, gruaja ishte një banore në Ochakov, në jug të Ukrainës, dhe një ish-shitëse në një dyqan ushtarak në territorin e një prej reparteve ushtarake të rajonit.

Identiteti i saj nuk është bërë ende i ditur.