Ushqimet më të mira për shëndetin e trurit

26/01/2024

Nutricistët kanë thënë sa ka shumë ushqime që i bëjnë mirë trurit dhe ndihmojnë në parandalim të sëmundjeve të ndryshme të tij, raporton CNBC.

Doktoresha Uma Naidoo, që është pjesëtare e ekipit të nutricionistëve në Harvard, ka thënë se ushqimet e mira për tru ndahen në katër kategori.

Kategoria e parë janë fibrat, të cilat ndihmojnë e organizmin t’i tretë më mirë ushqimet.
Në këtë kategori bëjnë pjesë ushqimet e pasura me fibra si perimet me gjethe të gjelbra, fasulet, farat e lirit si dhe drithërat e plota.

Kategoria e dytë sipas Naidoos janë polifenolet, të cilat e ndihmojnë trurin të qëndrojë i shëndetshëm. Polifenolet janë komponime që gjenden në disa ushqime dhe mund të zvogëlojnë rrezikun edhe nga sëmundjet e zemrës.

Ushqimet e pasura me polifenole janë, karotat, boronicat, dredhëzat, arrat dhe ulliri i zi.

Kategoria e tretë janë probiotikët, të cilët e ndihmojnë rritjen e baktereve të mira në stomak dhe luftojnë kundër infeksioneve të ndryshme.
Në mesin e ushqimeve të pasura me probiotikë janë kosi, jogurti e kefiri.

Kategoria e katërt janë erëzat dhe barishtet e ndryshme.
Në këtë grup bëjnë pjesë erëzat si turmeriku, piperi i zi e ai i kuq.
Kurse barishte të mira për tru konsiderohen menta, oregano, trumza, gjingjeri, hudhra e majdanozi.

Written by: ClubFm Kosova

Rate it