Trew thyen rekordin 68-vjeçar në Paris

Sensacioni Arisa Trew ka shkruar histori për Australinë pasi fitoi medalje të artë në Lojërat Olimpike që po mbahen në Paris. 14-vjeçarja ka thyer rekordin 68-vjeçar në Paris të martën. Ajo fitoi të artën në gara me skejtbord, ndërsa bëhet fituesja më e re e Australisë që fiton medalje të artë, duke thyer rekordin e Sandra Morganit.

Legjenda e notit Morgan ishte 14 vjeç e gjashtë muaj kur fitoi medaljen e artë në Lojërat Olimpike “Melbourne 1954”, ndërsa Trew aktualisht është 14 vjeç e tre muaj.

Ajo u rrëzua në lëshimin e parë, por u përgjigj me përfundim të jashtëzakonshëm që shënoi një rezultat të padiskutueshëm.

“Jam shumë e emocionuar. U rrëzova në lëshimin e parë dhe isha e mërzitur, por në fund ia dola”, ka thënë Trew pas garës.