Teatri Kombëtar i Kosovës rikthen shfaqjen “Martesa” me dy repriza në janar

Teatri Kombëtar i Kosovës ka njoftuar se shfaqja teatrale “Martesa”, e bazuar në veprën e autorit të njohur polak Witold Gombrowicz, do të rikthehet për publikun me dy repriza gjatë muajit janar.

Reprizat do të mbahen më:

24 janar, ora 19:00

26 janar 2026, ora 20:00

Shfaqja vjen me adaptim dhe regji të Norbert Rakowskit, duke sjellë në skenën e Teatrit Kombëtar një lexim bashkëkohor të një teksti të rëndësishëm të dramaturgjisë evropiane, i njohur për ironinë, absurditetin dhe analizën e marrëdhënieve njerëzore.

Në këtë produksion luajnë aktorët:

Armend Smajli, Shkelzen Veseli, Ylber Bardhi, Mensur Safqiu, Sheqerie Buçaj, Era Balaj dhe Adhurim Demi.

Teatri Kombëtar i Kosovës fton publikun që të mos e humbasë këtë shfaqje, e cila trajton me humor dhe thellësi temat e identitetit, pushtetit dhe marrëdhënieve shoqërore./KultPlus.com