Shpallen fituesit e fondit për përkthimin letrar nga shqipja në gjuhë të huaj

Në prani të ministres së Kulturës Elva Margariti, autorëve dhe botuesve, u ndanë sot vlerësimet për veprat fituese për fondin e përkthimit letrar nga gjuha shqipe në gjuhë të huaj.

Ceremonia e shpalljes së fituesve u zhvillua ne mjediset e Qendrës Kombëtare të Librit e Leximit.

Përkthimi i librit shqip në gjuhë e kultura të tjera vijon të mbetet një prioritet për Qendrën Kombëtare të Librit dhe Leximit. Nga 24 aplikime, juria e kryesuar nga Ben Andoni dhe anëtarë Irena Prici dhe Esmeralda Kromidha, vlerësoi për t’u mbështetur finaniciarisht nga QKLL, 6 autorët dhe veprat e mëposhtme:

“Vrasje në kryeministri” nga Diana Çuli
“Fëmijët” nga Luljeta Lleshanaku
“Ridënimi” nga Fatos Lubonja
“Në kërkim të këmishës së humbur” nga Arian Leka
“Ajo e errëta” nga Enkelejd Lamaj
“Në besë të tatuazhit tënd” nga Andreas Dushi. /atsh / KultPlus.com