Shenjat që la granata në oborrin e Komunës së Mitrovicës së Veriut

Në oborrin e Komunës së Mitrovicës së Veriut është qartë i dallueshëm vendi ku u hodh granata e dorës në mbrëmjen e së martës.

Nga granata e hedhur, nuk u lënduan njerëz porse u shkaktua dëme në dy vetura zyrtare.

Ende nuk ka asnjë të arrestuar lidhur me rastin, por organet e rendit kanë deklaruar se përgjegjësit e këtij sulmi do të sillen para drejtësisë.

Rastin e ka dënuar edhe kryeministri Albin Kurti, i cili i ka bërë thirrje Serbisë që t’i ndalë sulmet që nxisin tensionim të situatës, para se të ketë humbje jete.