Rita Ora frymëzohet nga stili i viteve ’60 për paraqitjen e saj të fundit në “The Masked Singer”

Rita Ora përqafoi stilin e viteve ’60 duke veshur një fustan të shkurtër me lule dhe shkëlqim në postimet e saj mahnitëse në Instagram të enjten.

Këngëtarja, 33 vjeçe, kishte zgjedhur një pamje të frymëzuar nga epoka “flower power” për të përputhur stilin klasik të viteve ’60 në një episod të fundit të “The Masked Singer”.

Ajo dukej e mrekullueshme me fustanin e vogël ngjyrë blu të errët, të zbukuruar me lule shumëngjyrëshe, shkruan DailyMail.

Në përshkrimin e postimit të saj, ajo shkroi: “Është koha për GROOVY! The Masked Singer është sërish sonte për javën e viteve ‘60! Jam shumë e emocionuar për këtë dhe jam frymëzuar shumë nga të gjitha pamjet”.

Fansat u entuziazmuan plotësisht nga pamja e Ritës, me njëri prej tyre që e quajti “një engjëll nga qielli” në komentet e saj në Instagram.

Të tjerë shkruanin: “O Zot sa e bukur Rita Ora, një grua e mrekullueshme shumë e bukur”, “Ekstremisht e mahnitshme, gjithmonë dukesh [emoji zjarr] të adhuroj”, ishin disa nga komentet

“Nah Rita, sa herë që poston diçka dukesh kaq e bukur dhe mezi pres të të shoh sërish, të dua shumë”, shkroi një tjetër.

Kjo pason pasi Rita dhe bashkëshorti i saj, Taika Waititi, u bashkuan me një grup fytyrash të njohura duke hipur në një dem mekanik në festën e Halloween-it organizuar nga Vas J Morgan dhe Michael Braun në West Hollywood javën e kaluar.

Mbrëmja përfshinte personazhe të famshëm si Paris Hilton, 43 vjeç, Rebel Wilson, 44 vjeç dhe bashkëshorten e saj Ramona Agruma, të cilët zbritën në një rezidencë private me tematikë “Country dhe Western”.

Rita ishte veshur si personazhi Elena nga filmi “Maska e Zorros”, interpretimi i Catherine Zeta-Jones, duke mbajtur një shpatë dhe veshur një korse të bardhë dhe fund të gjatë.

Ndërkohë, Taika, 49 vjeç, kishte marrë pamjen e hakmarrësit me maskë, një figurë e krijuar nga shkrimtari amerikan Johnston McCulley.

Në festë morën pjesë edhe Kaia Gerber, Hailey Bieber dhe Cara Delevingne, me organizatorët Vas dhe Michael që ofruan gjithçka për një mbrëmje plot ngjyra.

E njohur për sfidat, Rita ngriti fustanin dhe hipi në dem prapa bashkëshortit të saj, ndërkohë që në një moment, ajo ngriti shpatën drejt tij duke riprodhuar tensionin e ndezur mes Catherine dhe bashkë-yllit Antonio Banderas në filmin “Maska e Zorros” të vitit 1998. /Telegrafi