Reagimi epik i Serena Williams, pas performancës së saj surprizë në Super Bowl

Serena Williams befasoi fansat duke kërcyer gjatë performancës së Kendrick Lamar në Super Bowl 2025, teksa ai interpretonte këngën “Not Like Us” – një diss ndaj reperit kanadez Drake.

Pjesëmarrja e saj shkaktoi reagime të shumta, duke pasur parasysh të kaluarën e saj romantike me Drake.

Për më tepër, kërcimi i saj kujtoi një moment historik nga Lojërat Olimpike 2012, kur ajo festoi triumfin ndaj Maria Sharapovës me një lëvizje të ngjashme, shkruan DailyMail.

Pas performancës, Serena reagoi me humor: “Nuk kam kërcyer kështu në Wimbledon, do të isha gjobitur!”.

Me këtë deklaratë, Serena Williams po bënte një shaka ironike duke iu referuar një momenti të diskutueshëm nga karriera e saj.

Serena Williams po i referohej festës së saj në Lojërat Olimpike të Londrës 2012, kur bëri Crip Walk pas fitores ndaj Maria Sharapovës. Në atë kohë, ky veprim shkaktoi debat, pasi Crip Walk është një kërcim i lidhur me bandën Crips nga Los Angeles.

Kjo ngjarje vjen mes një historie të gjatë përplasjesh mes Kendrick Lamar dhe Drake, ku në këngën e tij, Lamar paralajmëroi rivalin e tij të mos fliste për Serenën.

Ndërkohë, Williams, e cila tashmë është e martuar me Alexis Ohanian, ka ironizuar Drake edhe më parë, duke e përmendur atë në ESPYS 2024 me batuta të mprehta.

Performanca e Lamar në Super Bowl u shoqërua me dy nga diss-et e tij ndaj Drake, ndërsa prania e Serenës i dha gjithë momentit një tjetër peshë simbolike.