Pussycat Dolls anulojnë 33 koncerte në SHBA, kjo është arsyeja

The Pussycat Dolls kanë anuluar pothuajse të gjithë pjesën e turneut të tyre të rikthimit në Amerikën e Veriut për shkak të shitjeve të dobëta të biletave.

Tri anëtaret e grupit të njohur të viteve 2000 – Nicole Scherzinger, Ashley Roberts dhe Kimberly Wyatt – njoftuan një rikthim më parë këtë vit me një këngë të re dhe një turne botëror, por tani ata kanë anuluar të gjitha koncertet përveç njërit në ShBA dhe Kanada, shkruan BBC, transmeton Klankosova.tv

Në një deklaratë, ata thanë se, “pas një shqyrtimi të ndershëm të situatës”, kanë marrë një “vendim të vështirë dhe të dhimbshëm”.

Tifozët që blenë bileta përmes kanaleve zyrtare, si Ticketmaster ose AXS, do të marrin një rimbursim automatik, ndërsa ata që blenë përmes rishitësve duhet të kontaktojnë pikën e tyre të blerjes.

Shfaqja e vetme që do të zhvillohet është në WeHo Pride në Los Angeles më 6 qershor.