Promovohet në Lubljanë libri “Një fije shprese, një fije shkrepëse” i Ag Apollonit i përkthyer në sllovenisht

Më 16 prill, në Ljubljanë do të mbahet promovimi i librit “Një fije shprese, një fije shkrepëse” i autorit Ag Apolloni, i cili është përkthyer në gjuhën sllovene nga Nikollë Berishaj.

Ngjarja do të zhvillohet në ambientet e “Vodnikova Domačija” dhe pritet të mbledhë dashamirës të letërsisë, përfaqësues të institucioneve kulturore dhe publik të gjerë. Në kuadër të promovimit do të zhvillohet edhe një bisedë letrare rreth veprës dhe krijimtarisë së autorit.

Ky aktivitet përbën një hap të rëndësishëm në promovimin ndërkombëtar të letërsisë shqipe, duke forcuar lidhjet kulturore mes Kosovës dhe Sllovenisë përmes përkthimit dhe prezantimit të autorëve shqiptarë në skenën evropiane./KultPlus.com