Po vjen filmi për lojën më të famshme të të gjitha kohërave, Tetris

Historia sesi ndoshta loja më e famshme në histori, Tetris, u bë një fenomen global është baza e një filmi të ardhshëm në platformën Apple TV+. Filmi do të shfaqet në shërbimin e transmetimit më 31 mars dhe Apple sapo ka publikuar paraqitjen e parë të shkurtër.

Në vend që të fokusohet në një grup blloqesh antropomorfike, “Tetris” tregon historinë se si u krijua një nga videolojërat më të mëdha në botë.

Taron Egerton luan si Henk Rogers, një sipërmarrës holandez, i cili bëhet aq i dashuruar me lojën, saqë udhëton në Bashkimin Sovjetik gjatë fundit të Luftës së Ftohtë për të siguruar të drejtat e tij të shpërndarjes për Tetris në Game Boy dhe konzolla të tjera.

Inxhinieri sovjetik i softuerit Alexey Pajitnov (i luajtur nga Nikita Yefremov) e krijoi lojën gjatë Luftës së Ftohtë, por duke qenë se ai ishte punonjës i qeverisë, nuk mori asnjë kompensim në fillim.

Traileri dinamik është përcjellë nga kënga “The Final Countdown” dhe nxjerr në pah pjesë nga tensioni i qenësishëm. Rogers ndeshet me rezistencën e një manjati mediatik britanik që dëshiron lojën, agjentët e KGB-së dhe madje edhe Mikhail Gorbachevin.

Tetris është realizuar me regji të Jon S. Baird, ndërsa producentë janë Matthew Vaughn, Gillian Berry, Claudia Vaughn, Len Blavatnik e Gregor Cameron. /Telegrafi/