Paralajmërimi i mjekëve: Shmangni këto pije për të reduktuar rrezikun e një ataku kardiak

Nëse keni probleme me sëmundjet e zemrës, është e rëndësishme të ndiqni udhëzimet e mjekëve të cilët paralajmërojnë për rreziqet e mundshme çdo ditë. Përveç ilaçeve dhe aktiviteteve të përditshme, një rol të rëndësishëm luan edhe dieta jonë.

Dr. Deborah Lee përmend rrezikun e veçantë të disa llojeve të ndryshme të pijeve që mund të dëmtojnë shëndetin e zemrës, prandaj është më mirë t’i shmangni ato. Përveç kësaj, njerëzit që konsumojnë këto pije mund të kenë edhe probleme të tjera shëndetësore.

“Pijet energjike, lëngjet e frutave, pijet e gazuara dhe qumështi me aromë, janë të gjitha pije me sheqer të lartë. Në një rishikim dhe meta-analizë të vitit 2016, konsumi i pijeve me përmbajtje të lartë sheqeri ka rritur rrezikun e goditjes në tru me 13 për qind dhe sulmit në zemër me 22 për qind”, ka shpjeguar Deborah Lee.

Kjo vlen veçanërisht për konsumimin e pijeve energjike, sepse përveç sheqerit, ato shpesh përmbajnë nivele të larta të kafeinës dhe përbërës që ende nuk janë hulumtuar mirë në treg.

Dr. Lee rekomandon zëvendësimin e këtyre pijeve me ujë, çaj ose lëng perimesh dhe nuk duhet të shmangni as kafenë, doza e rekomanduar e të cilës është deri në dy filxhanë në ditë.

Tutje thekson se trupi duhet të qëndrojë i hidratuar, pasi dehidratimi shkakton volum të ulët të gjakut, gjë që rrit mundësinë e mpiksjes së gjakut. /Telegrafi