Pantiç lirohet nga paraburgimi, e konfirmon Gjykata Themelore në Prishtinë

Ish-policit të komunitetit serb të Kosovës të mbajtur në paraburgim për dyshime rreth sulmeve terroriste ndaj zyrtarëve të Komisionit Qendror të Zgjedhjeve, i është ndryshuar masa e sigurisë në arrest shtëpiak, konfirmoi Gjykata Themelore në Prishtinë për Reporteri.net.

“Ka qenë kërkesë e Prokurorisë Speciale që masa e sigurisë t’i ndryshohet nga paraburgim në arrest shtëpiak dhe gjykata ka aprovuar këtë ndryshim”, tha ajo për Reporteri.net.

Para pak kohësh edhe avokati i Dejan Pantiç, Nebojsha Vllaiq, ka konfirmuar për Radion Evropa e Lirë se klientit të tij i është zëvendësuar masa e paraburgimit me arrest shtëpiak.

Lirimin e tij në arrest shtëpiak e ka konfirmuar për mediat serbe edhe djali i Pantiqit.

Pantiq, u arrestua nën dyshimet se qenë i përfshirë në organizimin e sulmeve në zyrat e KKZ-së dhe sulmeve ndaj personave zyrtarë të KQZ-së dhe Policisë së Kosovës.

Serbët tash e tri javë kanë ngritur barrikada në veri dhe njëra ndër kërkesat e tyre për tërheqjen e barrikadave, ishte lirimi i Pantiqit./Reporteri.net/