Osmani mbërrin në Shkup, Pendarovski e pret me ceremoni

Presidentja Vjosa Osmani ka mbërritur në Shkup për një vizitë zyrtare, me ftesë të homologut të saj maqedonas, Stevo Pendarovski.

Osmani u prit me ceremoni shtetërore, para se të futej në Presidencën maqedonase për takimin me Pendarovskin.

Gjatë ditës Osmani do të takojë edhe zyrtarë të tjerë, përfshirë kryetarin e Kuvendit të Maqedonisë së Veriut, Talat Xhaferin. Është planifikuar që Osmani gjithashtu t’u drejtohet me një fjalim deputetëve të Maqedonisë së Veriut.