Njihuni me njeriun që qëndroi president për vetëm 45 minuta

Lascurain lindi në 1856 në një familje modeste dhe e kaloi pjesën më të madhe të jetës duke studiuar për t’u bërë dikush. Në vitin 1880, ai u diplomua për juridik, punoi për disa vite si avokat, dhe më pas u bë në fakt kryebashkiak i Mexico City.

Ajo që ishte një pikë kthese shumë e rëndësishme, jo vetëm për Lascurain, por të gjithë brenda Meksikës, si dhe në historinë e Meksikës, është revolucioni kombëtar që filloi në vitin 1910.

Gjatë viteve 1910 dhe 1920, Meksika ishte një fushë beteje civile. 19 shkurt 1913 është një datë e turpshme për Meksikën pasi kanë ndodhur një milion gjëra dhe fatkeqësisht shumica e tyre përfunduan në vdekje.

Në këtë datë, grushti më i madh ushtarak ndodhi në Revolucionin Meksikan të udhëhequr nga gjenerali Victoriano Huerta dhe me mbështetjen e ambasadorit të Shteteve të Bashkuara nga Meksika, raporton abcnews.al.

Madero u burgos dhe u kërcënua se do të vritej nëse nuk hiqte dorë nga presidenca e tij. Lascurain e njihte mjaft mirë Madero-n dhe arriti ta bindte që të largohej pasi jeta e tij ishte në rrezik të madh.

Ndërsa Madero pranoi të hiqte dorë nga posti i presidentit, ligji në atë kohë thoshte se personi tjetër që do të bëhej president do të ishte Ministri i Punëve të Jashtme.

Prandaj Lascurain e zëvendësoi atë si president. Shumë historianë argumentojnë se Lascurain nuk kujdesej vërtet për sigurinë e Madero-s dhe vetëm e bindi atë që të bëhej president.

Çfarë ndodhi në ato 45 minuta?

Gjëja e parë që Lascurain ndërmori si president ishte një komandë. Gjenerali Huerta, kreu i grushtit të shtetit urdhëroi Lascurain që ta bënte atë Ministër të Punëve të Jashtme, pasi ky ishte pozicioni që Huerta dëshironte të kishte gjithmonë, jo pozicioni i një presidenti çuditërisht.

Pas gjithë kësaj, Lascurain u detyrua nga Huerta të jepte dorëheqjen, gjë që bëri sepse në të kundërt do të vritej. Edhe pse në mes të një grushti ushtarak, Huerta vendosi të respektojë deri diku ligjet e vendosura, prandaj përshpejtoi procedurat për t’u bërë Ministër i Jashtëm.

Huerta përfundimisht u bë presidenti i 39-të i Meksikës, por jo përpara se të vendoste të ekzekutonte Francisco Madero dhe Zëvendës Presidentin e tij Pino Suarez.

Lascurain iu ofrua një post në Administratën Politike, por pas gjithçkaje që ndodhi,  ai vendosi të braktiste skenën politike dhe u bë avokat. Pedro Lascurain vdiq në vitin 1952 në moshën 96-vjeçare nga shkaqe natyrore.

Presidenca e tij mbetet në histori si më e shkurtra që ka qenë ndonjëherë. Victoriano Huerta u rrëzua në 1914 dhe vdiq në 1916 në burgun Fort Bliss.