Një test i thjeshtë ekuilibri mund të përcaktojë moshën tuaj biologjike

Provoni një test ekuilibri që mund të përcaktojë moshën tuaj biologjike.

Studiuesit në Klinikën Mayo zbuluan se sasia e kohës që mund të balanconi në njërën këmbë tregon se sa të forta janë kockat, muskujt dhe nervat tuaja.

Është e qartë se dobësia i bën njerëzit më të ndjeshëm ndaj problemeve shëndetësore, sepse zvogëlon aftësinë e trupit për të përballuar stresin dhe për t’u shëruar nga sëmundja.

Qëndrimi në njërën këmbë kërkon që trupi juaj të kryejë një sërë detyrash komplekse në të njëjtën kohë. Për të qëndruar në këmbë me njërën këmbë, trupi përfshin organe të vogla brenda veshit që kontrollojnë ekuilibrin, sinjalet vizuale nga sytë dhe grupe të shumta të muskujve në këmbë dhe trung.

Një 50-vjeçar mesatarisht ishte në gjendje të ruante ekuilibrin për afërsisht nëntë sekonda, ndërsa një 80-vjeçar ishte në gjendje të ruante ekuilibrin vetëm për tre sekonda.

Shërbimi britanik Kombëtar i Shëndetit (NHS) ka udhëzime për sa kohë duhet të jeni në gjendje të qëndroni në një këmbë në varësi të moshës tuaj. Kjo do t’ju japë një përgjigje se si është shëndeti dhe durimi juaj i përgjithshëm.

Për të filluar, qëndroni në një sipërfaqe të sheshtë pa asnjë mbështetje tjetër. Mbani sytë hapur dhe duart mbi ijet tuaja. Numërimi mbrapsht fillon kur ngrini njërën këmbë dhe ndalon kur e ktheni prapa ose kur hiqni duart nga anët tuaja.

Nëse jeni midis 18 dhe 39 vjeç , duhet të jeni në gjendje të qëndroni si një ‘flamingo’ në njërën këmbë për të paktën 43 sekonda. Nëse jeni midis 40 dhe 49 vjeç , duhet të jeni në gjendje të qëndroni në një këmbë për 40 sekonda.

Ata midis 50 dhe 59 vjeç duhet të jenë në gjendje të qëndrojnë në një këmbë për 37 sekonda. Ndryshe, sipas “British Journal of Sports Medicine”, pamundësia për të qëndruar në njërën këmbë për 10 sekonda në moshën e mesme apo të mëvonshme lidhet me rrezik pothuajse më të madh të vdekjes në 10 vitet e ardhshme.

Nëse jeni midis 60 dhe 69 vjeç , duhet të jeni në gjendje të qëndroni në një këmbë për 30 sekonda. Njerëzit e moshës 70 deri në 79 vjeç duhet të jenë në gjendje të qëndrojnë në njërën këmbë për rreth 18 sekonda. Nëse jeni mbi 80 vjeç, duhet të jeni në gjendje të qëndroni në një këmbë për pak më shumë se pesë sekonda.