Një propozim romantik në “Met Gala”, zyrtari dhe komisionerja e kulturës në New York fejohen në tapetin e kuq

Një histori dashurie e qytetit të New Yorkut ka shënuar momentet më të veçanta të “Met Gala” të hënën (2 maj)

Propozimi i fejesës ndaloi intervistat e drejtpërdrejta të personazheve të famshëm, ndërsa të ftuarit e Met Gala u kthyen për të parë ish-kandidatin e asamblesë, Bobby Digi Olisa të ulet në një gju dhe t’i propozojë komisioneres së Çështjeve Kulturore të qytetit të New Yorkut, Laurie Cumbo.

Me të gjitha kamerat e kthyera nga tapeti, Digi Olisa u ul në një gju, teksa të pranishmit në Met Gala bërtisnin të emocionuar dhe bërtisnin “thuaj po” çiftit dhe ajo e bëri pikërisht këtë.

“E dini, është gjithmonë si të përpiqesh të presësh kohën e duhur. Pra, kur është koha e duhur për të marrë parasysh gjithçka që po ndodh në mbarë botën? Kështu që unë thash: ‘Sot do ta bëjmë atë të ndodhë”, tha Digi Olisa për Associated Press pas propozimit.

“Ju prisni për këtë moment pothuajse gjithë jetën tuaj dhe që ai të jetë pikërisht këtu, ishte gjithçka që mund të prisja”, tha Cumbo.

Para kamerave Cumbo hoqi dorezën në dorën e majtë dhe Digi Olisa vendosi në gisht unazën e fejesës.

Nata ishte një moment i madh dhe emocionues për Cumbo. Ajo tha se ishte praktikante në muze kur ishte 15 vjeç dhe erdhi në Met Gala.

“Dhe tani po kthehem me burrin tim tani si komisionere e departamentit të çështjeve kulturore,” tha ajo. /Telegrafi/