Një filtër i ri TikTok-u që të kthen pas në adoleshencë

Përdoruesit e TikTok që janë në një moshë të madhe po bëhen nostalgjik me një filtër të ri që synon të kthejë kohën në adoleshencë.

“Teenage Look”, i cili kryesisht funksionon duke zbutur rrudhat, ka grumbulluar 3.4 milionë shikime deri më sot, shpesh të kombinuara me melodinë e këngës të vitit 1996 nga The Verve Pipe “The Freshmen”. Por ndërsa filtrat e fytyrës së foshnjës dhe të plakjes kanë bërë më parë xhiron në platformat e mediave sociale, shumë nga postimet më të pëlqyera në filtrat e adoleshencës janë të zymta, pasi përdoruesit thonë se po rikthehen në vitet e tyre më të bukura.

“Nëse jeni i ri dhe po pyesni veten pse ne të moshuarit po emocionohemi për këtë filtër, kjo është sepse pas 20, 30 vitesh mendojmë se dukemi ende kështu si dikur”, thotë një përdoruesi i TikTok.

Ndërsa disa TikTok-er po e përdorin këtë filtër, duke treguar fotografi reale të vetes së tyre adoleshentë, të tjerë po e përdorin filtrin për të folur për mungesën e vetëbesimit që kishin në shkollën e mesme ose për përvojat e vështira me të cilat u përballën, duke përdorur ekranet e ndara para dhe pas për të dhënë këshilla. Të tjerë kanë thënë se si filtri ka nxitur emocionet e vjetra të lidhura me traumat që kanë përjetuar gjatë atyre viteve.