Një ditë pushime në Puglia kushton 500 euro për familje

Adoc Puglia, Shoqata e Mbrojtjes së Orientimit të Konsumatorit, ka marrë të dhënat në dorë dhe denoncon atë që njerëzit prej kohësh mendojnë dhe diskutojnë: pushimet në Itali janë shumë të shtrenjta.

Sipas sondazhit të tyre, një ditë për një familje me katër anëtarë në bregdetin e Puglias – duke marrë parasysh ushqimin dhe fjetjen kushton nga 160 në 500 euro në Gallipoli.

Një verë e nxehtë në çdo kuptim, edhe në çmime. Ndërkohë që fluksi nuk është ai që pritej.

Plazhet e rajonit ankohen për më pak se 20% të pranisë së pushuesve, ndërsa në vend të kësaj po rriten përqindjet e italianëve që zgjedhin pushimet jashtë vendit.

Sipas Adoc Puglia-s, fluksi i ulët turistik në rajon vjen si pasojë e rritjes së çmimeve të shërbimeve turistike, shoqëruar me vështirësitë ekonomike të familjeve italiane “të detyruara të heqin dorë nga pushimet, ose të zgjedhin destinacione më të lira”.

Nuk është – sigurisht – vetëm Puglia ajo që është në shënjestër. Në fillim të verës, Codacons kishte vlerësuar se çmimi mesatar për të kaluar një ditë në plazh në Itali për dy të rritur dhe dy fëmijë (me karburant për të shkuar në plazh, parkim për shezlongët, çadrat dhe pijet) ishte midis 100 dhe 110 euro me një rritje prej +13,4% në vitin 2022.

Sipas Demoskopikës, hotelet kanë pasur një rritje prej 14,6% dhe shërbimet e restoranteve me 6,3%, kryesuar nga ushqimi i shpejtë (8,2%), piceritë (+ 6,5%) dhe akulloret ( +6,2%). Fluturimet e brendshme janë rritur me 28,9%.

Këto janë vetëm disa nga kërkimet e shumta që përpiqen të kenë një vizion të asaj që po ndodh sot në turizëm në Itali.

Ajo që duket e qartë është se Italia po bëhet shumë e shtrenjtë për italianët dhe kështu italianët po zgjedhin vende më të lira si p.sh. Greqia, Kroacia, Shqipëria.