Nëse Spotify nuk ju ka funksionuar mos u brengosni, nuk jeni të vetmit – deklarohen nga kompania

Mijëra përdorues në mbarë botën kanë raportuar probleme me aplikacionin Spotify.

Këto probleme përfshinin të gjitha aspektet, nga luajtësi i uebit deri te faqja kryesore e aplikacionit.

Spotify tani duket se po funksionon, të paktën sipas një deklarate nga platforma në rrjetin social X, transmeton Telegrafi.

Ata kanë udhëzuar këdo që është ende duke përjetuar probleme të dërgojë një mesazh në llogarinë @SpotifyCares.

Sipas raporteve nga faqja e internetit Downdetector që nga ora 16:30, më shumë se 40,000 njerëz kanë raportuar se platforma e tyre e transmetimit është e dëmtuar në mbarë botën.

Shumica e raporteve lidheshin me aplikacionin e telefonit, por një numër përdoruesish kishin gjithashtu probleme me luajtësin e uebit.

Spotify u përgjigj duke thënë se ata janë “të vetëdijshëm për çështjen dhe po shikojnë se si mund ta zgjidhin atë”.

Gjithashtu, një zëdhënës i platformës Spotify tha rreth orës 16:30. se “kërkimi duhet të funksionojë, por nuk është e qartë se kur do të rregullohen të gjitha çështjet”. /Telegrafi