Nerflix tërhiqet nga marrëveshja për ta blerë “Warner Brosin”

Platforma Netflix ka tërhequr ofertën e saj për blerjen e Warner Bros Discovery, duke refuzuar të rrisë ofertën për studiot e famshme të Hollywoodit dhe biznesin e transmetimit pas vendimit se oferta konkurruese e Paramount Skydance ishte “më e favorshme”.

Në një deklaratë, drejtuesit bashkëekzekutivë të Netflix, Ted Sarandos dhe Greg Peters, thanë se “në çmimin e kërkuar për të përballuar ofertën më të fundit të Paramount Skydance, marrëveshja nuk është më financiarisht tërheqëse”.

Paramount kishte ofruar 31 dollarë për aksion, një tarifë për anulim prej 7 miliardë dollarësh nëse bashkimi nuk miratohet dhe një “ticking fee” prej rreth 650 milionë dollarësh çdo tremujor pas shtatorit. Netflix kishte katër ditë pune për të vendosur për ofertën, por vendosi shpejt të mos e bëjë, raporton The Guardian.

David Zaslav, president dhe CEO i Warner Bros Discovery, e quajti Netflix-in “një kompani të madhe” dhe u shpreh optimist për bashkëpunimin e mundshëm me Paramount Skydance, që pritet të marrë kontrollin e plotë të kompanisë, përfshirë rrjetin CNN.

Senatorja amerikane Elizabeth Warren e përshkroi marrëveshjen e mundshme si “një katastrofë antitrust që rrit çmimet dhe zvogëlon zgjedhjet për familjet amerikane”.

Netflix deklaroi se do të vazhdojë të përqendrohet te anëtarët e saj dhe rritja e qëndrueshme e biznesit, ndërsa aksionerët e Warner Bros Discovery pritet të miratojnë bashkimin me Paramount Skydance, që tani është oferta e vetme e mbetur. /KultPlus.com