Nderohen 21 policët e rënë në detyrë

21 zyrtarët policorë që ndër vite humbën jetën në krye të detyrës janë nderuar sot në Kosovë.

Për herë të parë në Kosovë sot u shënua Dita memoriale e punonjësve policorë të rënë në krye të detyrës.

Ceremonia e kësaj Dite memoriale ka përfunduar me parakalimin e njësive të Policisë së Kosovës në rrugën “Luan Haradinaj” në Prishtinë.

Kryetari i Kuvendit, Glauk Konjufca, ka thënë se policët kanë ranë në krye të detyrës duke luftuar krimin dhe duke mbrojtur sovranitetin e Kosovës.

Konjufca ka përmendur policin Enver Zymberi të rënë në veri të Kosovës.

“Ai dha jetën në mbrojtje të sovranitetit të Republikës së Kosovës”. /Telegrafi/