Mot me diell dhe vranësira gjatë fundjavës

Gjatë fundjavës në Kosovë do të mbajë mot me diell dhe vranësira, kurse temperaturat do të lëvizin nga 8 deri në 27 gradë.

Sipas Institutit Hidrometeorologjik të Kosovës (IHK), të shtunën parashihet të mbajë mot me diell dhe vranësira të shpërndara.

“Temperaturat minimale do të lëvizin ndërmjet 8-10 gradë Celsius, ndërsa maksimalet e ditës parashihen të lëvizin ndërmjet 23-25 gradë Celsius. Do të fryjë erë e lehtë deri mesatare nga drejtimi i juglindjes”, thuhet në njoftim, transmeton Telegrafi.

Edhe të dielën do të mbajë mot kryesisht i ngjashëm.

“Temperaturat minimale do të lëvizin ndërmjet 9-11 gradë Celsius, ndërsa maksimalet e ditës parashihen të lëvizin ndërmjet 25-27 gradë Celsius. Do të fryjë erë kryesisht nga juglindja e lehtë deri mesatare”, thuhet më njoftim. /Telegrafi/