Modeli i flokëve që menduam se nuk do t’i bartnim më kurrë, sërish është një hit i madh

Kur flasim për çdo dukje për raste të veçanta, përveç fustanit dhe aksesorëve të modës, grimi dhe modelet e flokëve janë për të kompletuar të gjithë kombinimin.

Bëhet fjalë për të ashtuquajturin model flokësh ‘shignon skulpturor’, ose topuz i shkëlqyeshëm që përfshin shumë improvizim kur bëhet fjalë për mënyrën sesi do të duket vetë topuzi.

Thelbi i këtij modeli flokësh, i frymëzuar nga estetika e viteve 2000 apo trendi i njohur Y2K, janë flokët shumë të lyer dhe të mbledhur, ndërsa në topuz preferohen format abstrakte dhe xhufkat me majë.

Çështja është që topuzi nuk duket i butë, voluminoz dhe nuk ka një efekt të çrregullt. Megjithatë, nuk ka rregulla të veçanta që duhet të ndiqni kur bëni këtë model flokësh.

Një model flokësh i denjë për raste të veçanta dhe dukje të thjeshta verore
Trendët e viteve 2000 janë rikthyer, sidomos në rrjetet sociale siç është Tik Toku, por as personazhet e famshme nuk janë imune ndaj tyre. Pra interpretimin e këtij modeli flokësh e kemi parë te shumë yje gjatë ngjarjeve magjepsëse.

Avantazhi më i madh i këtij lloji topuzi është se përshtatet lehtësisht me kombinime të ndryshme të veshjeve dhe mund ta bëni vetë, sepse nuk ka rregull të saktë sesi duhet të duket. Përveç kësaj, flokët e shkrirë dhe të ngritur do të theksojnë grimin dhe do të nxjerrin në pah tiparet e fytyrës suaj, ndërsa dukja interesante e topuzit i shton një dimension shtesë të gjithë dukjes.

Më poshtë, shikoni disa modele flokësh që mund të shërbejnë si frymëzim për eksperimentimin tuaj. /Telegrafi/