Ministri Murati tregon si do të mbulohet kostoja e policës kufitare për bashkatdhetarët

Hekuran Murati, ministër i Financave, Punës dhe Transfereve, ka treguar të mërkurën se Qeveria Kosovës edhe këtë vit do të mbulojë koston e policës kufitare për bashkatdhetarët.

Mirëpo procedura ka ndryshuar për këtë proces.

Murati ka treguar se para se të niseni për në Kosovë, policën kufitare mund ta bleni online përmes linkut më poshtë: https://api.bks-ks.org/PolicaOnline/sq-AL

“Polica mund të blihet edhe fizikisht në pikat kufitare hyrëse, mirëpo, që të mos keni nevojë të prisni në kufi, e të mos shkaktohen kolona, rekomandohet që polica të blihet online para se të niseni për Kosovë.

“Mbështetja vlen për autoveturat për pasagjerë dhe motoçikletat, dhe rimbursimi bëhet për qëndrime deri në 3 muaj brenda vitit kalendarik”, ka thënë Murati.

“Rimbursimi mund të kërkohet për të gjitha policat që keni blerë nga data 1 janar 2022 e këtej, me kusht që periudha e tërësishme e mbulueshmërisë për një automjet të mos kalojë 3 muaj brenda vitit”, ka treguar ministri i Financave.