Miley Cyrus për amësinë: Nuk kam nevojë të bëhem nënë, është një përgjegjësi e madhe

Këngëtarja amerikane, Miley Cyrus, foli së fundmi hapur për qëndrimin e saj ndaj prindërimit dhe deklarata e saj shkaktoi reagime të shumta në rrjetet sociale, veçanërisht tek ata që ndajnë të njëjtin mendim.

Konkretisht, në një intervistë për ‘The Interview’ të publikuar nga New York Times, Miley ndau sinqerisht mendimet mbi jetën e saj private, presionet e shoqërisë dhe vendimin për të mos e parë veten si nënë, të paktën për momentin.

Ylli i famshëm theksoi se aktualisht nuk ka dëshirë të ketë fëmijë dhe nuk e sheh këtë si diçka që i vjen natyrshëm.

“Nuk kam nevojë të bëhem nënë. Është një përgjegjësi e madhe, kërkon përkushtim dhe sakrificë të jashtëzakonshme. Nëse nuk është pasioni juaj, është e vështirë të imagjinohet se si mund t’i durosh të gjitha ato që sjell prindërimi – netë pa gjumë, shqetësim të vazhdueshëm dhe vite sakrifice”, tha Cyrus.

Mendimi i saj u mbështet nga shumë përdorues të rrjeteve sociale, veçanërisht në Reddit, ku shumë prej tyre vlerësuan ndershmërinë dhe qasjen e saj racionale.

“Është e mahnitshme se sa shumë njerëz hyjnë në procesin e të qenit prindër pa ndonjë dëshirë të vërtetë apo vendim të qartë”, shkroi një përdorues.

Të tjerë shtuan se nuk ka turp të mos dëshirosh fëmijë dhe se të gjithë kanë të drejtë të zgjedhin rrugën e vet pa pritshmëri të imponuara shoqërore. /Telegrafi