Mërgimtarët po presin deri në 3 orë në Merdarë për të dalë nga Kosova

Mërgimtarët tanimë po përballen me pritje të gjata për të dalë nga Kosova.

Sipas të dhënave të Qendrës Kombëtare për Menaxhim Kufitar, ata që kanë zgjedhur të kalojnë nga vend kalimi kufitar në Merdarë për tu larguar nga Kosova, po përballen me pritje deri në 3 orë, pasi kolona është e gjatë deri në 1100 metra, ndërsa në hyrje po presin 5 deri në 10 minuta.

Ndërsa, tek Dheu i Bardhë është pritje më e vogël, ku bashkëatdhetarët po presin deri në 75 minuta, pasi kolona aty është e gjatë 300 metra.