Mbretëria e Bashkuar përballet me rritje të çmimit të energjisë me 80 për qind

Mbretëria e Bashkuar ka njoftuar një rritje prej 80 për qind në faturat e energjisë elektrike dhe gazit, në një përkeqësim dramatik të krizës së kostos së jetesës para dimrit, derisa vendi pret zgjedhjen e udhëheqësit të ri.

Rregullatori Ofgem tha të premten se kufiri i tij i çmimit të energjisë, që përcakton çmimet për konsumatorët që nuk janë në një marrëveshje fikse me furnizuesin e tyre, në tetor do të rritet në një mesatare prej 4,198 dollarësh në vit, nga 2,331 dollarë sa është aktualisht, transmeton Telegrafi.

Më e keqja pritet të vijë në janar, kur Ofgem të përditësojë më tej kufirin, me faturat mesatare që parashikohen të arrijnë në 5,914 dollarë – ose më shumë.

“Rritja reflekton rritjen e vazhdueshme të çmimeve globale të gazit me shumicë, të cilat filluan të rriten pasi bota u zhbllokua nga pandemia e COVID-19 dhe janë nxitur akoma më lartë në nivele rekorde nga Rusia që ndërprenë ngadalë furnizimet me gaz në Evropë”, tha Ofgem.

Njoftimi shkaktoi një protestë nga organizatat bamirëse të cilat thanë se familjet e shtrydhura financiarisht u përballën me një nga “Krishtlindjet më të zymta” për vite. /Telegrafi/