Mattel do të dhurojë 10 mijë kukulla Brave Barbie dhe Brave Ken për fëmijët me kancer

Dhjetëra mijëra fëmijë do të kenë mundësinë të shohin veten të pasqyruar tek kukullat e reja Barbie dhe Ken.

Të mërkurën, Mattel njoftoi se kompania do të dhurojë çdo vit 10,000 kukulla Brave Barbie dhe Brave Ken për fëmijët që kanë humbur flokët për shkak të kancerit apo sëmundjeve autoimune. Iniciativa vjen në kuadër të Muajit të Ndërgjegjësimit për Kancerin tek Fëmijët.

Këtë herë, përveç një Barbie të dytë Brave, Mattel prezanton edhe kukullën e parë Brave Ken.

Kukullat Brave Barbie kanë paruke të lëvizshme dhe vijnë në dy ngjyra të lëkurës, me veshje moderne dhe pesë aksesorë: kufje, kapelë, fashë koke, paruke me rrënjë të ngulitura dhe ngjitësa personalizues. Brave Ken gjithashtu ka paruke të ngulitur dhe aksesorë të tij, me veshje në stil bashkëkohor.

Mattel tha se synimi është që këto kukulla t’u japin fëmijëve ngushëllim dhe t’u kujtojnë atyre se “janë të guximshëm, të fortë dhe të bukur”.