Mali i Zi miraton sanksione kundër Rusisë

Mali i Zi ka miratuar sanksione ndaj Rusisë, sipas një njoftimi të zëvendëskryeministrit të vendit.

Duke shkruar në Twitter të premten, Dritan Abazoviq tha: “[Qeveria malazeze] ka miratuar masa kufizuese në përgjigje të agresionit të Rusisë kundër Ukrainës”.

“Faleminderit të gjithë ministrave për bashkëpunimin”.

Mali i Zi është një anëtar i NATO-s dhe një kandidat për anëtarësim në BE, por më parë ishte shfaqur hezitues për të vendosur sanksione ndaj Rusisë.

Ky vend ka tërhequr një sasi të konsiderueshme investimesh dhe turizmi nga Rusia, dhe shumë rusë të pasur gjithashtu kanë prona ose mbajnë jahte atje.

Mali i Zi më herët kishte mbyllur hapësirën e tij ajrore për aeroplanët rusë dhe të enjten dëboi katër diplomatë rusë për shkelje të normave diplomatike.

Të hënën, ambasadori amerikan në vend i bëri thirrje qeverisë së saj të zbatojë të gjitha sanksionet e vendosura nga BE./Telegrafi/