Kryesuesit e Coachella 2026: Justin Bieber, Sabrina Carpenter, Karol G dhe Anyma

Coachella ka zbuluar listën e artistëve për vitin 2026 dhe emrat kryesorë premtojnë spektakël të paharrueshëm.

Justin Bieber, Sabrina Carpenter, Karol G dhe Anyma do të udhëheqin skenën e festivalit, i cili do të zhvillohet në dy fundjava, nga 10 deri më 12 prill dhe 17 deri më 19 prill, në Indio, Kaliforni.

Të katër artistët kryesorë nuk janë të panjohur për Coachella-n. Carpenter ndezi skenën në vitin 2025, Karol G solli Becky G dhe J Balvin në vitin 2022, ndërsa Bieber është shfaqur si i ftuar në disa edicione të festivalit.

Anyma, projekti elektronik i Matteo Milleri, i cili së fundmi organizoi një rezidencë madhështore në Sphere të Las Vegasit dhe publikoi albumin “The End of Genesys”, do të sjellë një performancë avangarde në stilin e shfaqjes spektakolare të Travis Scott vitin e kaluar.

Lista e gjatë e interpretuesve përfshin emra të tillë si Disclosure, Katseye, Ethel Cain, the XX, the Strokes, Addison Rae, Young Thug, FKA Twigs, Clipse, David Byrne, Interpol, Laufey, Kaskade, Wet Leg, Iggy Pop, Major Lazer, PinkPantheress, Moby, Central Cee, Lykke Li, Royel Otis, Boys Noize, Davido, Labrinth dhe Groove Armada.

Coachella 2025 kishte si kryesues Lady Gaga, Green Day dhe Post Malone, ndërsa skenën e ndanë edhe Travis Scott, Missy Elliott, Charli XCX, Megan Thee Stallion dhe artistë të tjerë, duke e kthyer festivalin në një festë gjigante muzikore në zemër të shkretëtirës. /Telegrafi