Komuna e Prishtinës i largon konstruksionet e vendosura pa leje në Pallatin e Rinisë

08/07/2022

Drejtoria e Inspekcionit në Komunën e Prishtinës sot në orët e mëngjesit ka zhvilluar një aksion në Pallatin e Rinisë për t’i larguar konstruksionet e vendosura pa leje.

Këtë aksion të Drejtorisë së Inspekcionit nga afër e ka vëzhguar edhe kryetari i Komunës së Prishtinës, Përparim Rama, i cili në një postim në Facebook shkruan se hapësirat publike po iu kthehen qytetarëve.

“Hapësirat publike po iu kthehen qytetarëve, e Pallatit të Rinisë po i rikthehet identiteti i tij! Bashkë me nënkryetarin, Alban Zogaj dhe drejtorin e Inspekcionit, Florian Dushi, pamë nga afër largimin e konstruksioneve të vendosura pa leje në objektin e Pallatit”, shkruan Rama. /Telegrafi/