Khloe Kardashian: Nuk ndihem e lidhur me djalin që ma solli në jetë një nënë surrogate

Khloe Kardashian ndihet më pak e lidhur me djalin e sapolindur të ardhur në jetë nga një nënë surrogate.

Ajo flet hapur për eksperiencën e saj ndërsa shoqërohej me Kim Kardashian dhe Scott Disick në episodin premierë të sezonit të tretë të Hulu’s “The Kardashians”.

Djali i vogël i Khloe – i cili thuhet se quhet Tatum – lindi përmes një surrogate korrikun e kaluar dhe ai është fëmija i dytë që ajo ndan me ish të dashurin Tristan Thompson. Ata kanë gjithashtu një vajzë pesëvjeçare True.

“Është gjëja më e çuditshme. Unë mendoj se ka një ndryshim kur fëmija është në barkun tuaj, fëmija në të vërtetë ndjen zemrën tuaj. Nuk ka asnjë tjetër në këtë planet që do t’ju ndjejë kështu nga brenda”, shpjegon Kim, e cila përdori zëvendësimin për dy nga katër fëmijët e saj.

“Njerëzit mund të lidhen në mënyra të ndryshme, disa nuk mund të lidhen”, thotë Khloe.

Khloe Kardashian: Nuk ndihem e lidhur me djalin që ma solli në

Scott pyet Khloe: ‘Pra, a ndihesh më pak e lidhur?’

Khloe me ngurrim e pranon shkëputjen, por gjithashtu pranon se njerëzit i kanë thënë se ky proces mund të marrë kohë.

Ajo duket se e ka zili faktin që Kim e ka pasur ‘të lehtë’ lidhjen me dy fëmijët e saj më të vegjël të lindur nëpërmjet një surrogate.

Khloe këmbëngul se ndjenjat e saj nuk kanë të bëjnë fare me foshnjën, por më shumë rrethanat dhe se si është ndjerë ajo për të.

“Ti thua: “Ok, ne po bëjmë një fëmijë. Ky është djali im dhe unë po e marr me vete në shtëpi”, shpjegon ajo.

“Patjetër që isha në një gjendje shoku nga e gjithë përvoja ime. U ndjeva vërtet fajtore që kjo grua sapo lindi fëmijën tim dhe unë e marr fëmijën dhe shkoj në një dhomë tjetër.”

Në përgjithësi, Khloe thotë se do të donte që të kishte ditur më shumë për zëvendësimin dhe kompleksitetin për të vendosur nëse do të shkonte përpara.

“Do të doja që dikush të ishte i sinqertë në lidhje me zëvendësimin (lindjen surrogate) dhe ndryshimin e saj. Nuk do të thotë se është diçka e keqe apo e mirë. Është ende e mrekullueshme. Është thjesht shumë ndryshe”, thotë ajo.