Google njofton investim prej 6.8 miliardësh në Britani pak para vizitës së Trumpit në Londër

Google njoftoi të martën se do të investojë 6.8 miliardë dollarë në Britaninë e Madhe, para vizitës shtetërore të Presidentit të Shteteve të Bashkuara të Amerikës, Donald Trump, që pritet të sjellë një mori marrëveshjesh dhe partneritetesh biznesi, raportoi të martën Reuters.

Kompania amerikane e teknologjisë ka njoftuar për hapjen e një qendre të re të të dhënave, e cila do të ndihmojë për të përmbushur kërkesën në rritje për shërbimet e saj të bazuara në inteligjencën artificiale, si Google Cloud, Google Search, Google Maps dhe Google Ëorkspace.

Ministrja e Financave, Rachel Reeves, e ka quajtur këtë investim shenjë të fortë besimi në ekonominë e Britanisë dhe forcë të partneritetit me SHBA-në.

Sipas Googlet, investimi do të krijojë rreth 8,250 vende pune çdo vit për bizneset britanike.

Vizita e Trumpit pritet gjithashtu të thellojë lidhjet ekonomike mes dy aleatëve perëndimorë.

Zyrtarët e lartë të SHBA-së kanë deklaruar se do të shpallen marrëveshje ekonomike që arrijnë vlerën mbi 10 miliardë dollarë.