Fuqizimi i inteligjencës artificiale sjell rreziqe të reja në tregjet financiare

Fuqizimi i inteligjencës artificiale po sjell rreziqe të reja në tregjet financiare, paralajmëruan dy drejtues të lartë financiarë, raportoi të enjten Reuters.

AI-ja është bërë tema kryesore si për investitorët ashtu edhe për drejtuesit e korporatave, ka thënë Matthew Danzig, drejtor menaxhues në bankën e investimeve Lazard.

Tutje është vlerësuar se rreziqet në tregjet e kreditit po fillojnë të rriten me zhvillimin e inteligjencës artificiale.

Kompanitë po përpiqen të artikulojnë një strategji të AI-së, shpesh duke fituar aftësi ose grupe të dhënash pronësore për të qëndruar konkurruese.

“Çdo kompani që mund të jetë një objektiv i mundshëm po përpiqet të gjejë këndin e saj në lidhje me AI-n,” ka thënë Danzing.

Sipas tij, vlerësimet po ngrihen në nivele historikisht të larta ndërsa investitorët vënë bast mbi fitimet e mundshme, jo mbi bazat aktuale.

“Janë tregjet që janë të gatshme të paguajnë për të ardhmen”, ka shtuar ai.