Festivali i Kafes dhe Çajit në Prishtinë rikthehet pas dy vjetësh pauzë

Festivali i Kafes dhe Çajit në Prishtinë është rikthyer pas dy vjetësh pauzë.

Sipas njoftimit, edicioni i 6-të me radhë i këtij festivali do të mbahet javën e ardhshme për tri ditë radhazi.

“Pas dy vjet pauze, rikthehet aroma e kafes dhe çajit në sheshin “Zahir Pajaziti”, Prishtinë. Për tre ditë radhazi, me 11, 12 dhe 13 tetor, Prishtina do ta mirëpres edicionin e 6-të të Festivalit të Kafes dhe Çajit. Hapja zyrtare do të bëhet të martën me (11 tetor) dhe orari do të zgjasë nga ora 10:00 deri 21:00”, thuhet në njoftim.

“Të gjithë vizitorët do të kenë mundësi për t’u njohur me programet e kafeve dhe çajërave si dhe për t’i degustuar, pse jo të gjitha brendet prezente në një vend. Për dispononim dhe argëtimin e vizitorëve, do të përkujdeset atmosfera e krijuar nga përformimi i solo këngëtarëve me muzikë të lehtë – jo të zhurmshme, si dhe DJ-ve të njohur vendor”, thuhet në njoftim.