Fahrije Hoti shpallet “Evropiania e Vitit 2022” në Kosovë

Zyra e Bashkimit Evropian në Kosovë javë më parë kishte nominuar pesë persona për “Evropiani i Vitit 2022”, ndërsa në bazë të pëlqimeve nga publiku fituese është Fahrije Hoti.

Të nominuar për “Evropiani i Vitit 2022”, ishin Behare Bajraktari, Fahrije Hoti, Jovana Radosavljeviq, Samir Karahoda dhe Sebahate Hajdini.

Fahrije Hoti ka marrë 6.400 vota, Sebahate Hajdini 4,200 vota, Behare Bajraktari 1,300, Samir Karahoda 638 dhe Jovana Radosavljeviq 170.

Votimi ka përfunduar të mërkurën në orën 17:00.

Ndryshe, ky çmim që ndahet nga Zyra e Bashkimit Evropian, jepet për personin që merr më së shumti “pëlqime”.

Çmimi i ndahet individëve, puna dhe arritjet e të cilëve kanë promovuar idenë dhe vlerat evropiane. /Telegrafi/