Dieta që mund të ulë kolesterolin e ‘keq’

Konsumimi i frutave dhe perimeve është një rrugë kyçe për një shëndet të mirë. Dhe sipas një studimi të ri në Danimarkë, ka një përfitim të veçantë për këdo që është diagnostikuar me kolesterol të lartë.

Studiuesit shikuan nivelet e LDL, ose lipoproteinave me densitet të ulët – shpesh të quajtur kolesterol “i keq”, sepse një grumbullim mund të rrisë rrezikun e goditjes në tru dhe sëmundjeve të zemrës . Në pjesëmarrësit në studim, nivelet e LDL-së ranë 10% dhe kolesteroli total ra me 7% për njerëzit që ndiqnin një dietë me bazë bimore në krahasim me ata që hanë mish dhe bimë, zbuloi studimi.

“Kjo korrespondon me një të tretën e efektit të marrjes së medikamenteve për uljen e kolesterolit si statinat, dhe rezultoi në një reduktim prej 7% të rrezikut të sëmundjeve kardiovaskulare te dikush që mbajti një dietë me bazë bimore për pesë vjet,” tha autorja kryesore Dr. Ruth Frikke-Schmidt, profesoreshë e biokimisë klinike në Kopenhagë, Danimarkë.