ChatGpt dobëson kujtesën dhe aftësitë

Përdorimi i teknologjisë për të kryer detyra të caktuara, redukton ndjeshëm aftësinë e trurit për të përfunduar detyrat në mënyrën dhe afatin kohor që duhet.

Ky përfundim, është më i rëndësishëm se kurrë në epokën e Inteligjencës Artificiale në të cilën po jetojmë.

Pas një hulumtimi nga Shkolla e Menaxhimit FAST në Islamabad, rezultatet e studimit u botuan në Revistën Ndërkombëtare të Teknologjisë Arsimore.

Sondazhi u fokusua veçanërisht në pasojat që sjell përdorimi i ChatGpt për studentët. Sistemi më popullor që përdorin është ai i OpenAI.

Rreth 165 studentë universiteti (të gjithë të regjistruar në universitetet pakistaneze) ishin subjekt i anketës: në fazën e parë autorët i pyetën ata për shkallën e varësisë së tyre nga chatbot në rutinën e tyre të përditshme.

Rezultoi se kur studentët përballeshin me një ngarkesë më të madhe pune dhe i nënshtroheshin afateve më të rrepta kohore, ata ishin më të prirur të përdornin ChatGpt.

Kjo shoqërohej njëherësh me trendin “zvarritje dhe dobësim i kujtesës” si dhe “përkeqësim i performancës akademike”.

Ti ke filluar ta përdorësh ChatGPT-në?