Çeku: Vazhdojnë punimet për rinovimin e palestrës “Bashkim Selishta” në Gjilan

Ministri i Kulturës, Rinisë dhe Sportit, Hajrulla Çeku, ka bërë të ditur se po vazhdojnë punimet për rinovimin e palestrës së sportit “Bashkim Selishta” në Gjilan.

Sipas tij, ky projekt synon përmirësimin e kushteve për të rinjtë dhe të rejat e Kosovës, duke krijuar hapësira më funksionale për aktivitet sportiv dhe zhvillim të potencialit të tyre.

Investimi për këtë projekt kap vlerën prej 2.7 milionë euro dhe po realizohet si bashkëpunim i përbashkët ndërmjet Ministrisë së Kulturës, Rinisë dhe Sportit dhe Komunës së Gjilanit.

Çeku ka theksuar se përmirësimi i infrastrukturës sportive në të gjithë vendin mbetet një nga prioritetet kryesore të Ministrisë së Sportit./KultPlus.com