Akulli unik 1.5 milionë vjet i vjetër shkrihet për të zbuluar misterin

Një copë akulli që mund të jetë e vjetër më shumë se 1.5 milionë vjet ka arritur në Britani ku shkencëtarët do ta shkrijnë për të zbuluar informacione kyçe për klimën e Tokës.

Kjo copë është akulli më i vjetër në planet dhe është marrë nga brendësia e një shtrese akulli të Antarktikut.

Shkencëtarët kanë thënë se kjo mund të jetë revolucion mbi atë që dihet deri tash për ndryshimet klimatike.

“Kjo është komplet një periudhë e panjohur e historisë së Tokës”, ka thënë Liz Thomas, udhëheqëse e studimit.

Për shtatë javë, ekipi ngadalë do ta shkrijë bërthamën e akullit. Materialet që do të lëshojë do t’u tregojnë shkencëtarëve rreth erës, temperaturës dhe nivelet e detit të para mbi një milion viti.

VIDEO: