Agjencia franceze e lajmeve AFP ngrit padi për të drejtën autoriale kundër rrjetit social X

Agjencia franceze e lajmeve Agence France-Presse (AFP) ngriti padi në Paris kundër platformës së mediave sociale X, e njohur më parë si Twitter, mbi të drejtën autoriale të lajmeve

Sipas agjencisë Associated Press (AP), në kuadër të rregullave të Bashkimit Evropian (BE) për pronësinë intelektuale, transmetuesit mund të paguajnë një tarifë për ndarjen e produkteve të tyre në platformat dixhitale.

AFP deklaroi se do të “vazhdojë të përdorë të gjitha mjetet e duhura ligjore me secilën platformë përkatëse për të siguruar një shpërndarje të drejtë të honorarëve që rrjedhin nga shpërndarja e përmbajtjes së lajmeve”.