The Independent: Britanikët janë të bindur se shtatorja e Tony Blairit në Kosovë është Jason Donovan

Shtatorja e ish-kryeministrit britanik, Tony Blair, e cila u zbulua në Ferizaj në 25-vjetorin e çlirimit ka lënë shumë njerëz në habi, pasi e kanë krahasuar me aktorin australian Jason Donovan.

Një postim që ish-sekretari i Blairit shpërndau më pas, Alistair Campbell, u bë virale dhe ngjarje u kthye në komike.

“Shtatorja e Tony Blairit u zbulua në Kosovë”, kishte shkruar Campbell.

Edhe të tjerë vazhduan të komentonin duke hedhur dyshime se shtatorja e kujt ishte zbuluar në Kosovë.

“Shikova pse Jason Donovan po bëhej më i kërkuari në internet, e tani nuk mund ta largoj nga sytë se sa shumë duket ai si Tony Blair”, shkroi dikush.

Ish-kryeministri britanik ishte i pranishëm në zbulimin në bulevardin Blair dhe iu drejtua deputetëve në një seancë të posaçme në Parlamentin e Kosovës.

Më 12 qershor, në Ferizaj u përurua shtatorja e Blairit në nderim të rolit që ai pati në çlirimin e Kosovës më 1999. Gatishmëria e Blairit për të ndalur spastrimin etnik të shqiptarëve u nderua ndër vite nga populli i Kosovën. Madje, në nderim të tij shumë prindër ua lanë fëmijëve të tyre emrin e ish-kryeministrit britanik.