Zhegrova dedikim për futbollistët që zgjedhin të mos luajnë për Kosovën: Zemra ime rreh aty

Anësori i Kosovës, Edon Zhegrova, ka bëtë një publikim në rrjetet sociale, i cili duket se iu referohet atyre që nuk e pranojnë të luajnë për Kosovën.

Ka ndodhur në të kaluarën, por edhe në kohët e fundit që për arsye të ndryshme, futbollistët me origjinë nga Kosova zgjedhin të luajnë për një përfaqësuese tjetër, në vend të ‘Dardanëve’.

“Vetëm nëse e do dhe e ndjen këtë shtet, mund të luash për Kosovën. Jam njëmijë herë më i mirë, madje nuk mund të krahasohem me të gjithë ata lojtarë që nuk e pranojnë Kosovën”.

“Mua më janë dashur vetëm 10 sekonda ta pranoj vendin tim, sepse zemra ime rreh aty. Prandaj, nëse nuk e doni këtë vend, nuk jeni pjesë e tij. Kjo është për të gjithë ata që mendojnë se janë dikush”, shkruan në mbishkrimin e fotografisë, në cilën shfaqet me flamurin shtetëror.

Në ndërkohë, Kosova është duke i bërë përgatitjet e fundit për dy ndeshjet e tetorit në kuadër të Ligës së Kombeve, kundër Qipros dhe Irlandës së Veriut. /Telegrafi/