Zbardhet dëshmia e sulmuesit të Bebe Rexhës në gjykatë

Një kujdestar qensh që hodhi një telefon në drejtim të Bebe Rexhës gjatë një koncerti në New York, ka pranuar krimin, thonë prokurorët.

Nicolas Malvagna, 27 vjeç, u arrestua të dielën vonë mbrëma pasi hodhi telefonin e tij në drejtim të interpretueses duke e lënë atë me një të çarë në fytyrën e saj që kërkonte tre qepje, shkruan DailyMail.

Malvagna nga New Yersey, po përballet me dy akuza për sulm, një akuzë për ngacmim, një akuzë për ngacmim të rëndë dhe një akuzë për tentativë sulmi pasi u akuzua në Gjykatën Penale të Manhatanit.

I veshur me pantallona të shkurtra të hirta dhe një bluzë të errët, ai u shoqërua nga avokatët e tij jashtë gjykatës të hënën.

Sipas zyrës së Manhattan DA, Malvagna rrëfeu krimin dhe tha: “Po përpiqesha të shihja nëse mund ta godisja me telefon në fund të koncertit, sepse do të ishte qesharake”.

Rexha, 33 vjeçe, ishte duke interpretuar në një koncert të dielën në The Rooftop at Pier 17 në kuadër të turneus së saj “Best F**n Night Of My Life” kur ajo u godit në fytyrë nga një telefon.

Siç shihet në një videon që është bërë virale në rrjetet sociale, interpretuesja e hitit “I’m A Mess” u pa duke kënduar dhe duke bërë simbolin e shqiponjës me duar.

Ndërsa artistja me origjinë nga Shqipëria ishte përballë audiencës, një telefon u pa duke u përplasur drejt saj nga turma dhe duke e goditur atë në fytyrë.

Pas një momenti tronditjeje, këngëtarja e nominuar për çmimin ”Grammy” ra në gjunjë me kokën ulur, ndërsa anëtarë të shumtë të ekipit nxituan për ta ndihmuar.

Në një video të veçantë, burri identifikohet nga sigurimi që e tërhoqi nga turma për ta nxjerrë jashtë.

Ndërkohë, fansat bërtisnin fjalët ‘budalla’ dhe ‘kjo është sulm’ teksa ai u largua.

Teksa po kujdesej nga mjekët dhe po e çonin pas perdes së skenës, Rexha iu bëri një përshëndetje të pranishmëve.

Shefja e Malvagna konfirmoi për DailyMail se ai ishte i përfshirë në incident dhe se ai kishte punuar në resort për gjashtë muaj.

Në një deklaratë, Judy Gorski, pronarja lokale e ekskluzivitetit të ‘K9 Resorts’ në East Brunswick tha: “Unë e kuptoj që një nga punonjësit tanë po ndiqte koncertin e Bebe Rexhës në kohën e tij të lirë”.

“U trondita kur mësova për arrestimin e tij. Stafi im dhe unë nuk e falim dhunën në asnjë formë, pavarësisht qëllimit, dhe ky veprim nuk përputhet me vlerat tona si kompani”, tha ajo. /Telegrafi/