Ylli i “Game of Thrones”, Maisie Williams përlotet teksa kujton abuzimin nga babai i saj: Kisha probleme me gjumin

Për shumë, Arya ishte personazhi më i dashur në shfaqjen televizive të HBO “Game of Thrones”, bazuar në romanet e George RR Martin.

Maisie Williams , e cila u bë e famshme falë shfaqjes televizive, ishte aktorja që luajti rolin.

Tashmë, tre vite pas përfundimit të serialit, ajo po vazhdon karrierën e saj dhe së fundmi ka dhënë një intervistë në të cilën nuk ka mundur t’i shmangë lotët kur ka folur për fëmijërinë e saj dhe abuzimin nga babai i saj.

“Epo, unë, si një fëmijë i vogël para moshës tetë vjeçe, kisha një marrëdhënie traumatike me babanë tim”, rrëfeu ajo në podkastin “Diary of a CEO” të Steven Barlett.

“Dhe nuk dua të hyj shumë në të sepse prek vëllezërit e motrat e mia dhe të gjithë familjen time. Por, për shembull, kjo me të vërtetë konsumoi shumë nga fëmijëria ime. Që kur mbaj mend, kam pasur shumë vështirësi për të fjetur. Dhe mendoj se shumë gjëra traumatike që po ndodhnin, nuk e kuptova se ishin gabim”, shtoi tutje aktorja.

Williams zbuloi gjithashtu se një mësuese në shkollë, kur ishte tetë vjeç, vuri re se mund të kishte diçka që nuk shkonte dhe e pyeti atë për atë që po ndodhte.

“Ajo më pyeti se çfarë nuk shkon, çfarë ka ndodhur?A jeni të uritur?’A keni ngrënë mëngjes?’ Unë thash jo. Thjesht nuk hamë mëngjes”, kujton ajo e përlotur.

“Ata po bënin pyetjet e duhura. Nëna ime erdhi në shkollë dhe më mori. Ishte hera e parë që të gjitha dyert ishin të hapura dhe ishte hera e parë që gjërat ishin në tavolinë”, u shpreh ajo.

Përkundër faktit se ajo tani është pajtuar me atë që ndodhi dhe nuk fajëson veten, Williams pranoi se nuk ishte gjithmonë kështu.

“Të them të drejtën, kam menduar shumë për këtë. Nuk është për shkakun tim që këto gjëra të këqija kanë ndodhur kur isha fëmijë. Mendova se ishte. Përfundova se diçka nuk shkonte në thelb me mua, se mund të ishte kushdo që po përjetonte dhimbjen”, përfundoi ajo.