Miratohet Projektligji për Policinë Ushtarake të FSK-së

Kuvendi i Kosovës në seancën e sotme ka votuar në lexim të dytë Projektligjin për Policinë Ushtarake të Forcës së Sigurisë së Kosovës.

Për kanë votuar 74 deputetë, asnjë kundër dhe asnjë abstenim.

“Miratimi i këtij projektligji do të mundësojë avancimin e bazës ligjore për Policinë Ushtarake. Me këtë ligj mundësohet formimi i institucionit të Komisionerit Parlamentar të FSK-së”, ka deklaruar Berisha.

Kuvendi në seancën e sotme ka miratuar edhe Projektligjin për Turizmin me 76 vota për.